ລົງເຄື່ອນໄຫວວຽກງານກວດກາການນໍາໃຊ້ວິທະຍຸສື່ສານ(ໂຟນີ)ຢູ່ 3 ເມືອງຂອງແຂວງສະຫວັນນະເຂດ

ໃນວັນທີ 18 ກັນຍາ 2019 ຄະນະພ້ອມດ້ວຍວິຊາການຂະແໜງດັດສົມໂທລະຄົມ ຂອງພະແນກ ປທສ ແຂວງສະຫວັນນະເຂດ ໄດ້ລົງເຄື່ອໄຫວວຽກງານກວດກາການນຳໃຊ້ວິທະຍຸສື່ສານ(ໂຟນິ)ຢູ່ໂຮງສີເຂົ້າ IDP ບ້ານນາສອບ ໂດຍໄດ້ເຂົ້າພົບ ທ່ານ ອ່ອນລຳພັນ ບົວສີແກ້ວ ເລຂາພັກເມືອງ ເຈົ້າເມືອງໆ ໄຊບູລີ ເພື່ອຂໍທິດຊີ້ນຳໃນຂັ້ນຕອນການຈັດຕັ້ງປະຕິບັດ ຕໍ່ວຽກງານດັ່ງກ່າວ.

ຈາກນັ້ນ ຈຶ່ງໄດ້ລົງໄປຈຸດທີ່ຕັ້ງຂອງໂຮງສີເຂົ້າ IDP ທີ່ບ້ານ ນາສອບ ໄດ້ພົບແຕ່ຜູ້ປະສານງານຂອງໂຮງງານ ແຕ່ຜູ້ຮັບຜິດຊອບວຽກງານທີ່ກ່ຽວຂ້ອງບໍ່ຢູ່, ຈຶ່ງບໍ່ສາມາດຕອບສະໜອງຂໍ້ມູນຕ່າງໆໃຫ້ໄດ້.

    ສະນັ້ນ, ຄະນະກວດກາຈຶ່ງມອບໃຫ້ຜູ້ປະສານງານຂັ້ນເມືອງ ສືບຕໍ່ຕິດຕາມ ແລະ ເກັບກຳຂໍ້ມູນໃຫ້ໂດຍມີການນັດໝາຍກັບຜູ້ຮັບຜິດຊອບນັ້ນອີກເທື່ອໜຶ່ງ, ສ່ວນ ໂຮງສີເຂົ້າ IDP ທີ່ບ້ານ ຂົວດຳ, ເມືອງ ໄຊພູທອງ ກໍ່ເປັນຮູບການດຽວກັນ.

ໃນວັນທີ 19 ກັນຍາ 2019 ຄະນະພ້ອມດ້ວຍວິຊາການ ໄດ້ລົງເຄື່ອໄຫວສືບຕໍ່ກວດກາການນຳໃຊ້ວິທະຍຸສື່ສານ(ໂຟນິ) ຢູ່ບໍລິສັດ ລາວມີໄຊ ທີ່ເມືອງ ພະລານໄຊ, ພົບວ່າ ໄດ້ມີການນໍາໃຊ້ ວິທະຍຸສື່ສານຈຳນວນນຶ່ງ ຄະນະກວດກາໄດ້ຊຸກຍູ້ໃຫ້ ພາກສ່ວນດັ່ງກ່າວ ດັ່ງກ່າວແຈ້ງຂຶ້ນທະບຽນໃຫ້ຖືກຕ້ອງຕາມລະບຽບການ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *